பிக்பாஸ் நிகழ்ச்சியின் 7-வது சீசனில் முதல் வாரம் எலிமினேட் ஆன போட்டியாளர் குறித்த தகவல் வெளியாகி உள்ளது.
கடந்த வாரம் பிக்பாஸ் நிகழ்ச்சியின் 7-வது சீசன் கோலாகமலாக தொடங்கப்பட்டது. இந்நிலையில், பிக்பாஸ் வரலாற்றில் இதுவரை இல்லாத வகையில் இரண்டு வீடுகளுடன் வித்தியாசமான விதிமுறைகளுடன், 18 போட்டியாளர்களுடன் இந்த பிக்பாஸ் நிகழ்ச்சியின் 7-வது சீசன் நடத்தப்பட்டு வருகிறது.
இதில், முதல் வாரத்திலேயே கேப்டனை கவராத போட்டியாளர்கள் என நிக்சன், பவா செல்லதுரை, வினுஷா, ஐஷூ, அனன்யா, ரவீனா ஆகிய 6 பேர் ஸ்மால் பாஸ் வீட்டுக்கு அனுப்பி வைக்கப்பட்டனர். அவர்களைத் தொடர்ந்து விதிகளை மீறிய காரணத்தால் விசித்ரா மற்றும் யுகேந்திரன் ஆகிய இருவரும் ஸ்மால் பாஸ் வீட்டுக்கு சென்றனர்.
பிக்பாஸ் நிகழ்ச்சியின் விதிப்படி மக்கள் அளிக்கும் வாக்குகளின் அடிப்படையில் ஒவ்வொரு வார இறுதியிலும் ஒரு போட்டியாளர் வெளியேற்றப்படுவர்கள். இந்த வார எவிக்ஷனில் யுகேந்திரன், பிரதீப், ரவீனா, ஐஷூ, அனன்யா, பவா செல்லதுரை மற்றும் ஜோவிகா ஆகியோர் இடம்பெற்று இருந்த நிலையில், வார இறுதியான இன்று முதல் எலிமினேஷன் நடந்துள்ளது.
அதன்படி பிக்பாஸ் 7-வது சீசனில் இருந்து முதல் போட்டியாளராக அனன்யா வெளியேறி உள்ளதாக தகவல் வெளியாகி பலருக்கும் அதிர்ச்சியை கொடுத்துள்ளது.
