இன்று ‘சந்திரமுகி 2’ ஆடியோ வெளியீட்டு விழா நடைபெறுகிறது என்றும், அதற்கு உங்கள் அனைவரின் ஆசியும் வேண்டும் என நடிகர் ராகவா லாரன்ஸ் தனது சமூக வலைதளத்தில் தெரிவித்துள்ளார்.
இயக்குனர் பி.வாசு இயக்கத்தில் பிரமாண்டமாக உருவாகி வரும் திரைப்படம் ‘சந்திரமுகி -2’ படத்தில் ராகவா லாரன்ஸ் கதாநாயகனாக நடித்துள்ளார். மேலும், நடிகை கங்கனா ரனாவத் முக்கிய கதாப்பாத்திரத்தில் நடித்துள்ளார்.
முன்னதாக, நடிகை கங்கனா ரனாவத் நடனத்தில் ‘சந்திரமுகி 2’ன் முதல் பாடலான ‘சுவாகாதஞ்சலி’ பாடல் வெளியானது.
சந்திரமுகி 2 படத்தில் வடிவேலு, ராதிகா உள்ளிட்ட பல முன்னணி திரைப்பிரபலங்கள் நடித்துள்ளனர். லைகா நிறுவனம் தயாரித்துள்ள இப்படத்திற்கு எம்.எம் கீரவாணி இசையமைத்துள்ளார்.
மேலும், இப்படம் தமிழ், தெலுங்கு, மலையாளம், இந்தி, கன்னடம் ஆகிய 5 மொழிகளில் விநாயகர் சதுர்த்தி அன்று வெளியாகவுள்ளது என படக்குழு அறிவித்திருந்த நிலையில், இப்படத்தின் பாடல்கள் சமீபத்தில் வெளியாகி ரசிகர்களை கவர்ந்து வருகிறது.
இரகற்கிடையே, தற்போது ‘சந்திரமுகி- 2’ திரைப்படத்தின் இசை வெளியீட்டு விழா குறித்த அறிவிப்பு வெளியாகியுள்ளது.
அதன்படி, சந்திரமுகி 2 படத்தின் இசை வெளியீட்டு விழா இன்று நடைபெறவுள்ளது என நடிகர் ராகவா லாரன்ஸ் தனது சமூக வலைதள பக்கத்தில் தெரிவித்துள்ளார்.
அதில், “இன்று ‘சந்திரமுகி 2’ ஆடியோ வெளியீட்டு விழா நடைபெறுகிறது. அதற்கு உங்கள் அனைவரின் ஆசியும் வேண்டும்” என்று பதிவிட்டுள்ளார்.
