உலக கோப்பை கிரிக்கெட் தொடரில் இன்று நடைபெறும் லீக் போட்டியில் தென்னாப்ரிக்க – வங்கதேச அணிகள் பலப்பரீட்சை நடத்த உள்ளது .
இம்முறை இந்தியாவில் கோலாகலமாக நடைபெற்று வரும் 13-ஆவது உலகக் கோப்பை கிரிக்கெட் தொடர் கிரிக்கெட் ரசிகர்களுக்கு செம ட்ரீட்டாக அமைந்துள்ளது .
இந்நிலையில் விறுவிறுப்பாக நடைபெற்று வரும் இந்த தொடரில் இன்று நடைபெறும் 23 வது லீக் போட்டியில் தென்னாப்ரிக்க – வங்கதேச அணிகள் ஒன்றுக்கொன்று மல்லுக்கட்ட உள்ளது . மும்பையில் உள்ள உலக புகழ் பெற்ற வான்கடே கிரிக்கெட் மைதானத்தில் இந்த போட்டி இன்று பிற்பகல் 2 மணிக்கு நடைபெறவுள்ளது.
நடப்பு உலகக்கோப்பை தொடரில் இதுவரை 4 போட்டிகளில் ஆடியுள்ள தென் ஆப்பிரிக்க அணி 3 வெற்றி, 1 தோல்வியுடன் புள்ளி பட்டியலில் 3-வது இடத்தில் உள்ளது. அதேபோல 4 போட்டிகளில் ஆடியுள்ள வங்கதேச அணி 1 வெற்றி, 3 தோல்வியுடன் புள்ளி பட்டியலில் 7-வது இடத்தில் உள்ளது.
இந்நிலையில் இன்று நடைபெறும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து தான் பார்க்க வேண்டும்.
