தமிழகத்தில் உள்ள டாஸ்மாக் கடைகளில் எந்தெந்த மதுபானங்கள் எந்த விலையில் விற்கப்படுகிறது என்பதை அறிந்துகொள்ள டிஜிட்டல் போர்டு அமைக்கப்ட்டுள்ளது.
தமிழகம் முழுவதும் 4 ஆயிரத்து 238 டாஸ்மாக் மதுக்கடைகள் இயங்கி வருகின்றன. இந்த நிலையில் தமிழகத்தில் உள்ள ‘டாஸ்மாக்’ கடைகளை நவீன மயமாக்கும் முயற்சிகளில் டாஸ்மாக் நிர்வாகம் செயல்பட்டு வருகிறது.
அதன்படி, அனைத்து மதுபானக் கடைகளிலும் எந்தெந்த மதுபானங்கள் எந்த விலையில் விற்கப்படுகிறது என்பது தெரியும் வகையில் ‘டிஜிட்டல் ‘ போர்டுகள் வைக்கப்பட உள்ளதாக தகவல் வெளியானது.
அந்த வகையில், தற்போது மதுகுடிப்போர் மதுபானங்களின் விலையை அறிந்துகொள்ள டாஸ்மாக் கடைகளில் டிஜிட்டல் போர்டு அமைக்கப்பட்டுள்ளது.
இதன்மூலம் மதுபானங்கள் எந்த விலையில் விற்கப்படுகிறது என்பதை அறிந்துகொள்ள முடியும்.
முதற்கட்டமாக மாவட்டத்துக்கு 5 கடைகள் என 200 டாஸ்மாக் கடைகளில் டிஜிட்டல் போர்டு நவீனப்படுத்தப்பட்டுள்ளது.
