மராட்டியத்தில் நிலநடுக்கம் : ரிக்டர் அளவில் 4.2 ஆக பதிவு!

மராட்டியத்தில் அமராவதி மாவட்டத்தில் லேசான நிலநடுக்கம் உணரப்பட்டதாக தேசிய நிலஅதிர்வு மையம் தகவல் தெரிவித்துள்ளது.

இதுதொடர்பாக நில அதிர்வு மையம் வெளியிட்ட தகவலில் தெரிவிக்கப்பட்டிருப்பதாவது..

“மராட்டிய மாநிலத்தின் அமராவதியில் இன்று பிற்பகல் 1.37-க்கு ரிக்டர் அளவில் 4.2 அளவில் லேசான நிலநடுக்கம் பதிவாகி உள்ளது.

இதையும் படிங்க : “நானே உங்களை நேரில் சந்தித்து வாழ்த்துகளைப் பெற்றுக் கொள்கிறேன்” – தொண்டர்களிடம் உதயநிதி வேண்டுகோள்!

நிலநடுக்கத்தினால் எந்தவித உயிரிழப்போ, பொருள் சேதமோ ஏற்பட்டதாக எந்த தகவலும் வெளியாகவில்லை” என்று அமராவதி துணை கலெக்டர் அனில் பட்கர் தெரிவித்துள்ளார்.

மேலும், சிக்கல்தாரா, கட்கும்ப், சுர்னி, பச்டோங்ரி தாலுக்காக்கள் மற்றும் மேல்காட் பகுதியில் லேசான நிலநடுக்கம் ஏற்பட்டதால் மக்கள் அச்சம் அடைந்தனர்.

சில இடங்களில் வீடுகளை விட்டு மக்கள் வெளியேறினர். மாவட்டத்தின் பரத்வாடா நகரின் சில பகுதிகளிலும், அகோட் பகுதிகளில் உள்ள தர்னியிலும் லேசான நில அதிர்வுகள் ஏற்பட்டது” என்று அனில் பட்கர் தகவல் தெரிவித்துள்ளார்.