பீகாரில் வெப்ப அலை தாக்கத்தால் இதுவரை 19 பேர் உயிரிழந்துள்ளதாக ( Heat wave ) அம்மாநில சுகாதாரத்துறை அதிர்ச்சி தகவலை வெளியிட்டுள்ளது.
நடப்பாண்டின் கோடைகாலம் ஒட்டுமொத்த இந்திய நாட்டுக்கே பெரும் சாபமாய் அமைந்துள்ளது. கடந்த ஏப்ரல் மாதத்தில் இருந்து படிப்படியாக உயர்ந்துவரும் வெப்பநிலை மக்களை படாதபாடு படுத்தி வருகிறது .
பகலில் சுட்டெரிக்கும் சூரிய வெளிச்சம், இரவு நேரம் வரும் வரை மங்குவதில்லை. இதன்காரணமாக இரவிலும் கதகதப்பில் இருப்பது போலவே இருப்பதாக மக்கள் வருத்தம் தெரிவிக்கின்றனர் .
அதிலும் குறிப்பாக டெல்லி , ராஜஸ்தான் , பீகார் உள்ளிட்ட மாநிலங்களில் வெயிலும் தாக்கம் சற்று அதிகமாகவே உள்ளது.
இந்நிலையில் பீகாரில் வெப்ப அலை தாக்கத்தால் இதுவரை 19 பேர் பரிதாபமாக உயிரிழந்துள்ளதாக அம்மாநில சுகாதாரத்துறை அதிர்ச்சி தகவலை வெளியிட்டுள்ளது.
Als Read : விமானத்தில் பயணிக்கும் பெண் பயணிகளுக்காக இண்டிகோ நிறுவனம் புதிய ஏற்பாடு..!!
சுமார் 40 பேர் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் பலர் வெயில் தாங்கமுடியாமல் மயங்கி விழுவதாகவும் அம்மாநில சுகாதாரத்துறை தகவல் தெரிவித்துள்ளது .
பீகாரில் கடந்த சில நாட்களாக 40° Cக்கும் மேல் வெப்பம் அதிகரித்துள்ளதால் பலரும் ஹீட் ஸ்ட்ரோக்கால் வந்து கடும் சிரமத்திற்கு ஆளாகி வரும் நிலையில் பொதுமக்களை வெயிலில் இருந்து காக்க அரசு உடனடி நடவடிக்கை எடுக்க ( Heat wave ) வேண்டும் எனவும் கோரிக்கைகள் வலுத்து வருகின்றது.