பாகிஸ்தானில் விளையாடாத இந்திய கிரிக்கெட் அணி, ஆஸ்திரேலியாவில் மட்டும் ஏன் பாகிஸ்தான் அணிக்கு எதிராக விளையாட வேண்டும் என ஐதராபாத் எம்.பி.யும், ஏஐஎம்ஐஎம் தலைவருமான அசாதுதீன் ஓவைசி கேள்வி எழுப்பியுள்ளார்.
தெலுங்கானா மாநிலம் விகாராபாத்தில் நடைபெற்ற நிகழ்ச்சி ஒன்றில் பேசிய ஒவைசி,ஆஸ்திரேலியாவில் நடைபெறும் போட்டியில் மட்டும் இந்திய கிரிக்கெட் அணி பாகிஸ்தான் அணிக்கு எதிராக விளையாடுவது ஏன்? பாகிஸ்தானுக்கு சென்று அந்த அணியில் விளையாட மாட்டோம் என்று தெரிவித்துள்ளது.
ஆனால் ஆஸ்திரேலிய மண்ணில் இந்திய அணி பாகிஸ்தானுடன் விளையாடுவது என்ன வகையான கிரிக்கெட் காதல்? இல்லை, அங்கேயும் பாகிஸ்தானுடன் விளையாட வேண்டாம் என்று தெரிவித்தார் .அப்படி விளையாடாவிட்டால் என்ன நடக்கும்? என்றும் தொலைக்காட்சிகளுக்கு 2,000 கோடி இழப்பு ஏற்படும் . இந்த இழப்பு இந்தியாவை விட பெரியதல்ல என்று தெரிவித்துள்ளார் . மேலும் நாளை அவர்களுடன் விளையாட வேண்டாம் வலியுறுத்தி உள்ளார்.
இந்த நிலையில் நாளைய போட்டியில் இரு அணிகளில் எந்த அணி வெற்றி பெறும் என்று தெரியவில்லை. ஆனால் இந்திய அணி வெற்றி பெற வேண்டும். எங்கள் விளையாட்டு வீரர்கள் ஷமி, முகமது சிராஜ் ஆகியோர் பாகிஸ்தானுக்கு எதிராக சிறப்பாக விளையாடி பாகிஸ்தானை நிலைகுலையச் செய்ய வேண்டும்.
ஆனால் இந்திய அணி வெற்றி பெற்றால் கொண்டாடுவார்கள். மறுபுறம், இந்திய அணி தோற்றால், இந்தியாவின் தோல்விக்கு வேறு யாரையாவது காரணம் என்று தேட ஆரம்பிக்கிறார்கள். இது அவர்களின் கிரிக்கெட். உங்கள் பிரச்சனை என்ன? எங்கள் ஹிஜாப், தாடி ஆகியவற்றில் உங்களுக்குப் பிரச்சனை இருக்கிறது. நம் கிரிக்கெட்டிலும் அப்படித்தான். இவ்வாறு ஒவைசி பேசினார்.
முன்னதாக, ஆசிய கிரிக்கெட் கவுன்சில் தலைவரும், இந்திய கிரிக்கெட் கட்டுப்பாட்டு வாரிய செயலாளருமான அஜய் ஷா, 2023 ஆசிய கோப்பை தொடரில் விளையாட இந்திய அணி பாகிஸ்தானுக்கு செல்லாது என்று கூறியிருந்தார். இந்தியாவில் நடைபெறவுள்ள உலகக் கோப்பையில் பாகிஸ்தான் அணி பங்கேற்காது என பாகிஸ்தான் கிரிக்கெட் வாரியம் அறிவித்ததை அடுத்து இந்த அறிவிப்பு வெளியாகியுள்ளது.
இந்திய கிரிக்கெட் அணி ஆசிய கோப்பையில் விளையாட பாகிஸ்தான் செல்வதா என்பது குறித்து உள்துறை அமைச்சகம் இறுதி முடிவு எடுக்கும் என மத்திய விளையாட்டுத்துறை அமைச்சர் அனுராக் தாக்கூர் தெரிவித்துள்ளார். பாகிஸ்தான் கிரிக்கெட் வாரியத்தின் அறிவிப்பு குறித்து பேசிய அமைச்சர், உலகக் கோப்பையில் அனைத்து நாடுகளும் பங்கேற்கும் என எதிர்பார்ப்பதாக தெரிவித்தார்.
இதற்கிடையில், இந்திய கிரிக்கெட் அணி டி20 உலகக் கோப்பையின் முதல் ஆட்டத்தில் பாகிஸ்தானுக்கு எதிராக மெல்போர்னில் விளையாடுகிறது. மும்பை தீவிரவாத தாக்குதலுக்கு பிறகு, பாகிஸ்தான் மற்றும் இந்தியா இடையே தனிப்பட்ட போட்டிகள் எதுவும் நடைபெறவில்லை. ஐசிசி சார்பில் நடைபெறும் போட்டிகளில் மட்டுமே இந்தியா-பாகிஸ்தான் இடையேயான போட்டிகளை ரசிகர்கள் பார்க்க முடியும் என்பது குறிப்பிடத்தக்கது.
