உலக கோப்பை தொடரில் முதல்முறையாக பல புதிய சாதனைகளை படைத்த இந்திய அணி..!! முழு விவரம் இதோ…

உலக கோப்பை கிரிக்கெட் தொடரில் நேற்று நடைபெற்ற கடைசி லீக் போட்டியில் இந்திய அணி பல புதிய சாதனைகளை படைத்துள்ளது.

பெங்களூரில் உள்ள பிரபல கிரிக்கெட் மைதானத்தில் நடைபெற்ற இந்திய மற்றும் நெதர்லாந்து அணிகளுக்கு இடையிலான போட்டியில் . இந்திய அணி அபார வெற்றி பெற்றதுடன் பல சாதனைகளையும் படைத்துள்ளது.

ஒரே போட்டியில் இந்திய அணி படைத்த சாதனைகள் மற்றும் சுவாரஸ்ய தருணங்கள் :

நெதர்லாந்துக்கு எதிரான நேற்றைய போட்டியில் 9 பவுலர்களை பயன்படுத்திய இந்திய அணி. ODI உலககோப்பையில் இது 3வது நிகழ்வு ஆகும் .

உலககோப்பை தொடரில் நெதர்லாந்துக்கு எதிரான நேற்றைய போட்டியில், 5 பந்துகள் மட்டுமே வீசி 1 விக்கெட் கைப்பற்றினார் கேப்டன் ரோஹித் ஷர்மா

உலககோப்பை தொடரில் நெதர்லாந்துக்கு எதிரான நேற்றைய போட்டியில் பவுலிங் வீசிய இந்திய அணியின் பேட்டர்கள் கில், விராட் கோலி . ரோஹித்,சூர்யகுமார் இதில் விராட் கோலி மற்றும் ரோஹித் தலா ஒரு விக்கெட் கைப்பற்றினர் .

உலககோப்பை தொடரில் அதிவேக சதம் விளாசிய இந்திய வீரர் என்ற சாதனையை கே.எல்.ராகுல் படைத்தார் . பெங்களூருவில் நேற்று நடைபெற்ற நெதர்லாந்துக்கு எதிரான போட்டியில் 60 பந்துகளில் 102 ரன்கள் அடித்தார்.

50 ஓவர் உலககோப்பையில் நேற்று நடைபெற்ற நெதர்லாந்துக்கு எதிரான போட்டியில் தனது முதல் சதத்தை பதிவு செய்தார் ஷ்ரேயாஸ் ஐயர்.

பெங்களூருவில் நேற்று நடைபெற்ற நெதர்லாந்துக்கு எதிரான போட்டியில், இந்திய அணியின் ரோஹித் ஷர்மா, சுப்மன் கில், விராட் கோலி, ஷ்ரேயாஸ், கே.எல்.ராகுல் ஆகிய 5 தொடக்க வீரர்களும் அரை சதம் விளாசி புதிய சாதனை படைத்தனர்!

50 ஓவர் உலககோப்பை வரலாற்றில் முதல்முறையாக, முதல் 5 பேட்டர்களும் அரை சதம் விளாசி உள்ளனர்!

சர்வதேச ஒரு நாள் கிரிக்கெட் வரலாற்றில் இது 3வது நிகழ்வு ஆகும். (AUS vs IND, Jaipur, 2013 | AUS vs IND, Sydney, 2020)

நடப்பு உலககோப்பை தொடரில் அதிக ரன்கள் விளாசிய வீரர்கள் பட்டியலில் முதலிடத்திற்கு முன்னேறினார் விராட் கோலி!

டி காக் – 591
ரச்சின் – 565
ரோஹித் – 503

சர்வதேச கிரிக்கெட்டில் தனது 100வது அரை சதத்தை பூர்த்தி செய்தார் ரோஹித் ஷர்மா!

நடப்பாண்டில் சர்வதேச கிரிக்கெட்டில் 2,000 ரன்கள் கடந்த முதல் வீரர் என்ற சாதனையை படைத்தார் சுப்மன் கில்

ஒரு உலக கோப்பை தொடரில் அதிக சிக்ஸர்கள் விளாசிய கேப்டன் என்ற சாதனையை படைத்தார் ரோஹித் ஷர்மா 24 , மோர்கன் – 22 (2019) | டிவில்லியர்ஸ் 21 (2015)

சர்வதேச ஒருநாள் போட்டிகளில், ஒரு ஆண்டில் மட்டும் 59* சிக்ஸர்கள் பறக்கவிட்டு, அதிக சிக்ஸர்கள் விளாசிய வீரர் என்ற சாதனையை படைத்தார் இந்திய கேப்டன் ரோஹித் ஷர்மா!

டி வில்லியர்ஸ் – 58 (2015)
கெயில் – 56 (2019)