இந்திய – வங்கதேசம் அணிகள் மோதும் டி20 கிரிக்கெட் தொடருக்கான இந்திய அணியை BCCI அறிவித்துள்ளது.
இந்தியாவுக்கு சுற்றுப்பயணம் மேற்கொண்டுள்ள வங்கதேசம் அணி தற்போது டெஸ்ட் கிரிக்கெட் போட்டியில் விளையாடி வருகிறது .
இதில் இந்தியா வங்க தேச அணிகளுக்கு இடையேயான இரண்டாவது மற்றும் கடைசி டெஸ்ட் போட்டி கான்பூர் கிரிக்கெட் மைதானத்தில் நேற்று முன்தினம் தொடங்கியது.
இந்த நிலையில் நேற்று இரண்டாவது நாளிலும் மழையின் தாக்கம் அதிகமாக இருந்தது. இதன் காரணமாக மழை நின்றால் கூட போட்டி தொடங்குவதில் தாமதம் ஏற்பட்டது. இதன் காரணமாக இரண்டாவது நாள் ஒரு பந்து கூட வீசப்படாமல் ரத்து செய்யப்பட்டது.
இப்படி இருக்க வங்கதேசத்துக்கு எதிரான டி20 தொடரில் விளையாடவிருக்கும் ஸ்கை மேன் சூா்யகுமாா் யாதவ் தலைமையிலான இந்திய அணி அறிவிக்கப்பட்டுள்ளது.
3 ஆட்டங்கள் கொண்ட இந்தத் தொடரின் முதல் ஆட்டம், அக்டோபா் 6ம் தேதி குவாலியரிலும், 2வது ஆட்டம் 9ம் தேதி டெல்லியிலும், 3வது ஆட்டம் 12ம் தேதி ஹைதராபாதிலும் நடைபெறவுள்ளது.
இந்திய அணியில் இடம்பெற்றுள்ள வீரர்கள் :
சூா்யகுமாா் யாதவ் (கேப்டன்), அபிஷேக் சா்மா, சஞ்சு சாம்சன் (வி.கீ.), ரிங்கு சிங், ஹா்திக் பாண்டியா, ரியான் பராக், நிதீஷ்குமாா் ரெட்டி, ஷிவம் துபே, வாஷிங்டன் சுந்தா், ரவி பிஷ்னோய், வருண் சக்கரவா்த்தி, ஜிதேஷ் சா்மா (வி.கீ.), அா்ஷ்தீப் சிங், ஹா்ஷித் ராணா, மயங்க் யாதவ்.
