அசாம் சென்ற உள்துறை அமைச்சர் ஏன் மணிப்பூருக்கு சென்று அங்கு நடக்கும் கலவரத்தை தடுக்க முயற்சிக்காதது ஏன் என்று வைகோ(Vaiko) கேள்வி எழுப்பியுள்ளார்.
மணிப்பூரில்(manipur) மைத்தேயி – குக்கி இன மக்களுக்கிடையே மோதல் நடைபெற்று வந்த நிலையில் கடந்த சில தினங்களாக அமைதி நிலை திரும்பிய நிலையில் நேற்று திடீரென அமைச்சர் வீட்டிற்கு திவைக்கபட்டது. இதனால் மீண்டும் கலவரம் வெடிக்க ஆரம்பித்தது.
இது குறித்து ம.தி.மு.க பொதுச்செயலாளர் வைகோ (Vaiko)வெளியிட்டுள்ள அறிக்கையில்,
’இந்தியாவின் வடகிழக்கு மாநிலமான மணிப்பூரில்(manipur) இட ஒதுக்கீடு சம்மந்தமான நீதிமன்ற தீர்ப்பின் காரணமாக மலை பழங்குடியினர் மற்றும் பழங்குடி அல்லாதவர்களுக்கு இடையே வன்முறை வெடித்திருக்கிறது.
பத்தாயிரம் இராணுவ வீரர்களைக் குவித்தும் வன்முறையைக் கட்டுப்படுத்த முடியவில்லை. நூற்றுக்கணக்கானவர்கள் படுகொலை செய்யப்பட்டு, ஆயிரக்கணக்கான வீடுகள் எரிந்து, பொது அமைதி கெட்டு கடந்த 22 நாட்களாக சின்னஞ் சிறிய மணிப்பூர்(manipur) மாநிலம் பற்றி எரிகிறது.
ரஷ்யா, உக்ரைன் பிரச்சினைகளுக்கு தீர்வு காண நாட்டாண்மை செய்யும் பிரதமர் மோடி அவர்கள், மணிப்பூர் மாநிலத்தில் அமைதியை நிலைநாட்ட முயற்சி எடுக்காமல் வேடிக்கை பார்த்துக்கொண்டு இருப்பது கவலை அளிக்கிறது
அசாம் சென்ற மத்திய உள்துறை அமைச்சர் அமித்ஷா, மணிப்பூர் சென்று அமைதியை உருவாக்க முயற்சிக்காதது ஏன்? உள்நாட்டு கலவரத்தால் பாதிக்கப்பட்டிருந்த மணிப்பூர், சில ஆண்டுகளுக்கு முன்பு அமைதி வழிக்குத் திரும்பி, வளர்ச்சியை நோக்கிச் சென்றுகொண்டிருந்தது.
தற்போது மீண்டும் அமைதி சீர்குலைக்கப்பட்டு, இணையதளம் முடக்கப்பட்டு ஊரடங்கு உத்தரவு பிறப்பிக்கப்பட்டுள்ளது.இதனையடுத்து மணிபூரில் தொடர்ந்து வரும் கலவரத்தை தடுத்து நிறுத்தி அமைதியை நிலைநாட்ட வேண்டும் என்று வைகோ அந்த அறிக்கையில் கேட்டுக்கொண்டு உள்ளார்.
