ஜமைக்கா நாட்டில் நடந்த துப்பாக்கிச் சூட்டில் நெல்லை வாலிபர் பரிதாபமாக உயிரிழந்த சம்பவம் பெரும் சோகத்தை ஏற்படுத்தி உள்ளது.
ஜமைக்கா நாட்டில் உள்ள பிராவிடன்ஸ் தீவில் செயல்பட்டு வரும் சூப்பர் மார்க்கெட்டில் இந்திய நேரப்படி அதிகாலை 1.30க்கு கொள்ளையர்கள் புகுந்துள்ளனர் . அப்போது கொள்ளையர்கள் நடத்திய கண்மூடித்தனமான துப்பாக்கி சூட்டில் பலர் காயமடைந்தனர்.
இந்த கோர சம்பவத்தில் நெல்லையை சேர்ந்த விக்னேஷ் என்ற இளைஞர் நிகழ்விடத்திலேயே பரிதமாக உயிரிழந்துள்ளார். இதையடுத்து சம்பவ இடத்திற்கு வந்த அப்பகுதி காவல்துறையினர் காயமடைந்தவர்களை மீட்டு மருத்துவமனைக்கு அனுப்பி வைத்தனர்.
கொள்ளையர்கள் நடத்திய துப்பாக்கி சூட்டில் உயிரிழந்த விக்னேஷின் உடலை மீட்ட போலீசார் உடற்கூறாய்வுக்கு பின் அவரது உடலை இந்தியாவுக்கு அனுப்படும் என தெரிவித்துள்ளனர்.
