senthil balaji case-முன்னாள் அமைச்சர் செந்தில்பாலாஜியின் நீதிமன்ற காவல் 40ஆவது முறையாக காவல் நீட்டிக்கப்பட்டுள்ளது.
கடந்த 2011 – 2016ஆம் ஆண்டுகளில் அதிமுக ஆட்சியின்போது போக்குவரத்துறை அமைச்சராக பணியாற்றி செந்தில் பாலாஜி போக்குவரத்துறையில் வேலை வாங்கி தருவதாக கூறி லஞ்சம் பெற்றதாக குற்றச்சாட்டு எழுந்தது.
இதையடுத்து கடந்த 2018 ஆம் ஆண்டு செந்தில் பாலாஜி மீது லஞ்ச ஒழிப்பு சட்டத்தின் கீழ் வழக்குப்பதிவு செய்து விசாரணையைத் தொடங்கினர். இந்நிலையில், கடந்த ஆண்டு ஜூன் 14 ஆம் தேதி அமலாக்கத்துறையால், செந்தில் பாலாஜி நள்ளிரவில் கைது செய்யப்பட்டார்.
மேலும் 39 முறை, முன்னாள் அமைச்சர் செந்தில் பாலாஜியின் காவலை நீட்டித்து நீதிமன்றம் உத்தரவிட்டது.
இந்நிலையில் அமலாக்கத்துறை வழக்கில் இருந்து விடுவிக்க கோரியும், வழக்கு தொடர்பான ஆவணங்களை தாக்கல் செய்ய கோரியும் செந்தில் பாலாஜி தரப்பில் மனுதாக்கல் செய்யப்பட்டது.
அதன்படி ,சட்டவிரோத பணப்பரிமாற்ற வழக்கிலிருந்து விடுவிக்க கோரிய செந்தில் பாலாஜி மனு மீதான விசாரணை சென்னை முதன்மை அமர்வு நீதிமன்றத்தில் இன்று விசாரணைக்கு வந்தது.
அப்போது, செந்தில் பாலாஜி தரப்பில் தெரிவிக்கப்பட்டதாவது, வழக்கு தொடர்பாக வங்கி ஆவணங்கள் கேட்டு மேல்முறையீடு செய்ய உள்ளதால், தீர்ப்பை தள்ளிவைக்க வேண்டும் என தெரிவிக்கப்பட்டது.
இந்த வழக்கில், அமலாக்கத்துறை பதிலளிக்க நீதிமன்றம் உத்தரவிட்டது. மேலும், 40வது முறையாக முன்னாள் அமைச்சர் செந்தில் பாலாஜியின் காவலை நீட்டித்து நீதிமன்றம் உத்தரவிட்டது.
ஜூன் 25 ஆம் தேதி வரை நீதிமன்ற காவலை நீட்டித்து நீதிபதி அல்லி உத்தரவு பிறப்பித்தார்.