தமிழகத்தைச் சேர்ந்த இரண்டு பெண்களுக்கு முக்கியப் பதவி வழங்க மத்திய பாஜக அரசு முடிவு செய்துள்ளதாக அரசியல் வட்டாரங்கள் தெரிவிக்கின்றனர்.அதில் ஒன்று தமிழிசை மற்றொன்று வானதி சீனிவாசன்.
பா.ஜ.,வில் பணியாற்றுபவர்களுக்கு நிச்சயம் பெரிய பதவி கிடைக்கும் என்பது நிர்வாகிகளின் நம்பிக்கை. இந்த நிலையில் தமிழகத்தைப் பொறுத்தவரை தமிழிசை சவுந்தரராஜனையும், மத்திய அமைச்சர் எல்.முருகனையும் உதாரணமாகக் காட்டுகிறார்கள்.
தமிழக பாஜக தலைவராக சவுந்திரராஜன் பதவியேற்றதில் இருந்து தமிழக மக்களிடம் இணக்கமான போக்கை கடைபிடித்து வருகிறார். மேலும் தனது விடா முயற்சியின் மூலம் பாஜக மற்றும் அதன் கொள்கைகளை மக்களுக்கு புரிய வைத்தார்.
தமிழிசை சவுந்தரராஜன் தெலுங்கானா மாநில ஆளுநராக நியமிக்கப்பட்ட பிறகு தமிழிசை சவுந்திரராஜனின் மாநில தலைவர் பதவி மீது வானதிக்கு எப்போதுமே ஒரு கண் உண்டு. தமிழிசை அந்த பதவியில் இருக்கும் போது தலைவர் பதவியை குறி வைத்து வானதி காய் நகர்த்தி வந்தார்.
ஆனால் இந்த மோதலில் வானதி மத்திய அமைச்சர் நிர்மலா சீதாராமன் ஆதரவாளராக செயல்பட்டு வந்தார். ஆனால் தமிழிசைக்கு பாஜக தலைவராக இருந்த அமித் ஷாவின் ஆசி எப்போதுமே இருந்தது. இதனால் தமிழிசை சவுந்திரராஜனிடம் இருந்து மாநில தலைவர் பதவியை வானதியில் பறிக்க முடியவில்லை.
இதற்கிடையே திடீரென யாரும் எதிர்பாராத வகையில் தமிழிசையை தெலுங்கானா மாநில ஆளுநராக தேர்வு செய்தார் அமித் ஷா. இந்த அறிவிப்பு தமிழக பாஜகவில் பலருக்கு அதிர்ச்சி வைத்தியமாக இருந்தது. அதிலும் வானதி சீனிவாசனால் தமிழிசையின் இந்த திடீர் பதவி உயர்வை ஜீரனித்துக் கொள்ள முடியவில்லை.
இதன் பிறகு அவர் சென்னை வருவதையே தவிர்க்க ஆரம்பித்தார். கோவையில் மட்டுமே கட்சி நிகழ்ச்சிகளில் பங்கேற்க ஆரம்பித்தார். எதிர்கட்சிகளை கடுமையாக தாக்கிப் பேசுவதையும் குறைத்துக் கொண்டார்.
கடந்த ஓராண்டாகவே வானதியை டிவி விவாதங்களில் பெரிய அளவில் பார்க்க முடியவில்லை. இதற்கு காரணம் தனக்கு கிடைக்காத அங்கீகாரம் தமிழிசைக்கு கிடைத்துவிட்டதாகவும் தமிழிசையை விட தான் கடுமையாக உழைத்ததாகவும் அவர் நம்பினார்.
இதனால் ஏற்பட்ட ஏமாற்றம் காரணமாக கிட்டத்திட்ட அரசியலில் இருந்தே ஒதுங்கியிருந்தவர் போன்று வானதி காணப்பட்டார். இதற்கிடையே அவர் மீது சில முறைகேடு புகார்களையும் கூறினர். இதானல் ஏற்பட்ட மனவேதனையால் பாஜக நிகழ்ச்சிகளில் அவர் பெரும்பாலும் கலந்து கொள்வதில்லை.
இந்த நிலையில் திடீரென அகில இந்திய பாஜகவின் மகளிர் பிரிவு தலைவியாக வானதியை அக்கட்சியின் தலைவர் நட்டா நியமித்துள்ளார். இது மிகுந்த அதிகாரம் மிக்க பதவியாகும். நாடு முழுவதும் உள்ள அனைத்து மாநிலங்களிலும் வேட்பாளர் தேர்வு தொடங்கி ஏன் அமைச்சரவையில் பெண்களுக்கு இடம் கொடுப்பது வரை வானதியின் பார்வைக்கு பல்வேறு தகவல்கள் வரும். இப்படி ஒரு மிகப்பெரிய பதவி வானதியை தேடி வந்ததன் பின்னணியில் மத்திய அமைச்சர் நிர்மலா சீதாராமன் இருப்பதாக கூறுகிறார்கள்.
மேலும் தமிழக பாஜக மகளிர் அணித் தலைவியான வானதி, கடந்த 2021 தேர்தலில் கமல்ஹாசனை எதிர்த்து கடுமையாகப் போட்டியிட்டு வெற்றி பெற்றார். அப்போது புதிதாக கட்சி ஆரம்பித்த கமலிடம் வானதி தோற்றிருந்தால் அது மிகப்பெரிய கவுரவப் பிரச்சினையாக இருந்திருக்கும். ஆனால் இந்த வெற்றிக்கு தனது கடின உழைப்பே காரணம் என வானதி கூறியுள்ளார்.
இதனால் அவரது வெற்றியை அங்கீகரிக்கும் வகையில் அவருக்கு முக்கிய பதவி வழங்க தேசிய பா.ஜ.க. அதன்படி மத்திய நாடாளுமன்ற குழு உறுப்பினராக வானதியை நியமிக்க முடிவு செய்யப்பட்டுள்ளது. இந்தக் குழுவில் 12 பேர் உள்ளனர். பிரதமர் மோடி, அமைச்சர்கள் அமித் ஷா, ராஜ்நாத் சிங், கட்கரி ஆகியோர் அடங்கிய குழுவில் பெண்ணை நியமிக்க தேசிய பாஜக தலைவர் நட்டா பரிசீலித்து வருகிறார்.
அதன்படி சுயநலம் கருதாமல் கட்சிக்காகவும், மக்களுக்காகவும் உழைக்கும் வானதியை நியமிக்க முடிவு செய்துள்ளனர். இந்த குழு, மாநில தலைவர்கள் நியமனம், வேட்பாளர் பட்டியலுக்கு ஒப்புதல் உள்ளிட்ட முக்கிய முடிவுகளை எடுக்கும். எனவே இந்த குழுவில் வானதி விரைவில் இடம்பெறுவார் என தெரிகிறது.
2024 மக்களவைத் தேர்தலில் தமிழக மக்களின் ஏகோபித்த ஆதரவைப் பெறும் முயற்சியில் வானதி முக்கியப் பங்கு வகிப்பாரா என்ற கேள்வி எழுந்துள்ளது.
