பாலியல் வன்முறையால்(Sexual violence’)பாதிக்கப்பட்டவர்களுக்கு விரல் சோதனை நடத்தும் முறைக்கு தடை விதித்து உச்ச நீதிமன்றம் உத்தரவிட்டுள்ளது.
பாலியல் பலாத்காரம் மற்றும் பாலியல் வன்கொடுமை வழக்குகளில் பாதிக்கப்பட்ட பெண்ணுக்கு இரண்டு விரல் சோதனை நடத்தும் நபர் தவறான நடத்தைக்கு குற்றவாளியாக கருதப்படுவார், அது “பெண்களை மீண்டும் பாதிக்கிறது மீண்டும் காயப்படுத்துகிறது” என்று உச்ச நீதிமன்றம் தெரிவித்துள்ளது.
இது தொடர்பாக வழக்கு உச்ச நீதிமன்ற தலைமை நீதிபதிகள் டி.ஒய்.சந்திரசூட் மற்றும் ஹிமா கோஹ்லி ஆகியோர் அடங்கிய அமர்வில் பாலியல் பாதிப்புக்கு ஆளான நபரின் பாலியல் வரலாற்றை தெரிந்துகொள்ள இன்றும் இது போன்ற சோதனைகள் நடத்தப்படுகிறது.
மேலும் “பாதிக்கப்பட்ட ஒருவரின் பாலியல் வரலாற்றின் சான்றுகள் வழக்குக்குத் தேவையானவை அல்ல.அது தொடர்ந்து நடத்தப்படுவது வருத்தமளிக்கிறது என்று நீதிபதிகள் தெரிவித்தனர்.
இருவிரல் பரிசோதனை என்பது பெண்களின் பாலுறுப்புக்குள் இருவிரல்களை விட்டு கன்னித்திரை கிழியாமல் சரியாக இருக்கிறதா என்று சோதனை செய்யப்படும் முறையாகும். ஒரு பெண் உடல் ரீதியாக பாதிக்கப்பட்டு இருப்பதால் தான் பாலியல் பலாத்காரம் செய்யப்பட்டதாக கூறும்போது அதை நம்ப முடியாது என்று கூறுவது ஆணாதிக்க மனோபாவம் கொண்டது எனவும், இதில் எந்த அறிவியல்தன்மையும் இல்லை எனவும் உச்ச நீதிமன்றம் தனது தீர்ப்பில் கூறியது.
எனவே, இரு விரல் சோதனைக்கு தடை விதிக்கப்படுகிறது. இதை உத்தரவு பின்பற்றபடுகிறதா என மத்திய, மாநில சுகாதாரத்துறை உறுதி செய்ய வேண்டும் என நீதிமன்றம் தனது உத்தரவு அறிவுறுத்தியுள்ளது.
மேலும்,பாலியல் பலாத்காரம் மற்றும் பாலியல் வன்கொடுமைகளில் இருந்து தப்பியவர்கள் இருவிரல் சோதனைக்கு உட்படுத்தப்படாமல் இருப்பதை உறுதி செய்யுமாறு சுகாதார அமைச்சகத்திற்கு மேலும் அறிவுறுத்தியுள்ளது. இது தொடர்பான பயிலரங்குகளை நடத்த அறிவுறுத்த வேண்டும் என்றும் உச்ச நீதிமன்றம் உத்தரவில் தெரிவித்துள்ளது.