சென்னை பெசன்ட் நகரிலுள்ள அன்னை வேளாங்கண்ணி மாதா கோயில் திருவிழாவை முன்னிட்டு 3 நாட்கள் போக்குவரத்து மாற்றம் செய்யப் பட்டுள்ளது.
சென்னை பெசன்ட் நகர்(besant nagar ) அன்னை வேளாங்கண்ணி திருத்தல பொன்விழா ஆண்டுப் பெருவிழா-2023, வருகிற 29.08.2023 செவ்வாய்க்கிழமை அன்று கொடியேற்றத்துடன் கோலாகலமாக தொடங்கி 08.09.2023 தேதி வரை திருவிழா நடைபெற உள்ளது.
29.08.2023 அன்று மாலை 04.30 மணிக்கு ஆலயத்திலிருந்து கொடிதேர்பவனி ஊர்வலம் நடைபெற உள்ளதை முன்னிட்டு சென்னை பெருநகர போக்குவரத்து காவல் துறையால் கீழ்கண்ட போக்குவரத்து மாற்றங்கள் மேற்கொள்ளப்பட இருக்கிறது.
அடையாறு உட்கோட்ட மாற்று வழிகள்:
- திரு.வி.க. பாலத்தில் இருந்து வரும் வாகனங்கள் வழக்கம் போல் செல்லும். மக்கள் கூட்டம் அதிகமாகவும் வாகனங்கள் செல்ல முடியாதவாறு நெருக்கடியாக இருக்கும் போது 3வது அவன்யூ & 2வது அவன்யூ நோக்கி அனைத்து உள்வரும் வாகனங்களும் டாக்டர் முத்துலட்சுமி பார்க்கில் (எம்எல் பார்க்) – திரும்பி- LB சாலை- எம்ஜி சாலை வழியாக அனுப்பப்படும்..
- எம்ஜி சாலையில் அதிகமாக வாகனங்கள் செல்ல முடியாதவாறு நெருக்கடியாக இருக்கும் போது பெசன்ட் நகர் 1வது பிரதான சாலை- சாஸ்திரி நகர் பேருந்து நிலையம்- 2வது அவன்யூ வழியாக திருப்பி விடப்படும்.
வாகனம் நிறுத்துமிடங்கள் - ஆல்காட் நினைவு மேல்நிலைப்பள்ளி.
- அறிஞர் அண்ணா அரசு மேல்நிலைப்பள்ளி.
- பெசன்ட் நகர் 2வது பிரதான சாலை
- பெசண்ட் நகர் 4வது அவென்யு௧. பெசன்ட் நகர் 17வது குறுக்குத் தெரு வாகன ஓட்டிகள் தங்களது வாகனங்களை ஒதுக்கப்பட்ட இடங்களில் மட்டுமே நிறுத்துமாறு கேட்டுக்கொள்ளப்படுகிறது.
