இயக்குநர் பிரதீப் ரங்கநாதன் இயக்கி நடித்த ‘லவ் டுடே’ (love today) படம் கடந்த நவம்பர் 4 ஆம் தேதி வெளியாகி ரசிகர்களிடையே பெரும் வரவேற்பை பெற்று 100 நாட்களுக்கு மேல் திரையரங்குகளில் ஓடி சாதனை படைத்தது.
ஏஜிஎஸ் எண்டர்டெயின்மென்ட் இந்த படத்தை தயாரித்திருந்த நிலையில், யுவன் ஷங்கர் ராஜா படத்தில் இசையமைத்திருந்தார்.
இந்தப் படத்தில் பிரதீப் ரங்கநாதனுக்கு ஜோடியாக இவானாவும், நடிகர் சத்யராஜ், ராதிகா, யோகி பாபு உள்ளிட்டோர் முக்கிய வேடங்களில் நடித்திருந்தனர். மேலும், இந்த படம் தெலுங்கில் மொழிமாற்றம் செய்யப்பட்டு வெளியாகி அங்கும் வெற்றியடைந்தது.
அதனைத் தொடர்ந்து தற்போது லவ் டுடே படம் (love today) ஹிந்தியில் ரீமேக் செய்யப்படவிருப்பதாக தகவல் வெளியாகியுள்ளது.
ஏஜிஎஸ் எண்டர்டெயின்மென்ட் நிறுவனம் தான் ஹிந்தியிலும் இந்தப் படத்தை தயாரிக்கவிருப்பதாக தகவல் வெளியாகியுள்ளது.
மேலும், ஹிந்தியில் வெளியாக உள்ள படத்தில் அமீர் கானின் மகன் ஜுனைத் கான் ஹீரோவாக நடிக்கவிருப்பதாகவும், அவருக்கு ஜோடியாக நடிகை ஸ்ரீதேவியின் இளைய மகள் குஷி கபூர் நடிக்கவிருப்பதாகவும் தகவல் வெளியாகி உள்ளது.
