கொல்கத்தாவின் ஈடன் கார்டன் மைதானத்துக்கு பிறகு, சேப்பாக்கம் எம்.ஏ.சிதம்பரம் மைதானம்.இந்தியாவின் இரண்டாவது பழமையான மைதானமாக திகழ்கிறது.
1916 ம் ஆண்டு கட்டப்பட்டு, தமிழ்நாட்டின் அடையாளங்களில் ஒன்றாக விளங்கும், சேப்பாக்கம் எம்.ஏ.சிதம்பரம் கிரிக்கெட் மைதானம் புத்துயிர் பெற்றுள்ளது.
1934 ம் ஆண்டு இங்கு முதல் சர்வதேச போட்டியாக, இந்தியா – இங்கிலாந்து அணிகளுக்கு இடையிலான டெஸ்ட் போட்டி நடைபெற்றது.
அதை தொடர்ந்து சர்வதேச போட்டிகள், உள்ளூர் போட்டிகள் என ஆயிரத்திற்கும் மேற்பட்ட போட்டிகள் இந்த சேப்பாக்கம் மைதானத்தில் நடந்துள்ளது.
அண்ணா பெவிலியனில் சுமார் ₹139 கோடி செலவில் புதிய கேலரியை ஒரே வருடத்தில் கட்டி முடித்துள்ளனர் தமிழ்நாடு கிரிக்கெட் சங்கம் மற்றும் மெட்ராஸ் கிரிக்கெட் கிளப். பழமையான கேலரிகளும் புதுப்பிக்கப்பட்டுள்ளன.
சி.எஸ்.கே. அணியின் ஹோம் கிரவுண்டாக ‘AnbuDen’ சேப்பாக்கம் விளங்குகிறது.
ஏற்கனவே 31,140 கேலரிகள் இருந்த நிலையில், புதிதாக கட்டப்பட்ட கேலரியில் 5,306 இருக்கைகள் சேர்க்கப்பட்டுள்ளது. இதன்மூலம், சேப்பாக்கத்தில் 36,446 பேர் அமர்ந்து போட்டியை ரசிக்கலாம்.
பல்வேறு காரணங்களால், ஏற்கனவே பயன்பாட்டில் இல்லாமல் இருந்த I, J, K கேலரிகளும் புதுப்பிக்கப்பட்டுள்ளன.
சேப்பாக்கம் எம்.ஏ.சிதம்பரம் மைதானத்தில் புதிதாக கட்டப்பட்டுள்ள கேலரிக்கு கலைஞர் மு.கருணாநிதி ஸ்டாண்ட் என பெயர் சூட்டப்பட்டுள்ளது.
எம்.எஸ். தோனி, அமைச்சர் உதயநிதி உள்ளிட்டோர் பங்கேற்ற நிகழ்ச்சியில் தமிழ்நாடு முதலமைச்சர் மு.க.ஸ்டாலின் புதிய கேலரியை திறந்து வைத்துள்ளார்.
புதுப்பிக்கப்பட்ட சேப்பாக்கம் மைதானத்தில், வரும் 22ம் தேதி இந்தியா – ஆஸ்திரேலியா அணிகள் மோதும் 3வது ஒருநாள் போட்டி நடைபெறவுள்ளது.
100 ஆண்டுகள் பழமைவாய்ந்த சேப்பாக்கம் மைதானத்தில், ஒரு கேலரிக்கு பெயர் சூட்டப்படுவது இதுவே முதல் முறையாகும்.
அது மட்டுமில்லாமல், 3 ஆண்டுகள் இடைவெளிக்கு பின், ஐபிஎல் போட்டிகள் இங்கு நடைபெறவுள்ளது. சேப்பாக்கத்தில் கிரிக்கெட்டை கொண்டாட ரசிகர்கள் ஆவலுடன் காத்திருக்கின்றனர் என்பது குறிப்பிடத்தக்கது.
சர்வதேச விண்வெளி மையத்தில் சிக்கி இருக்கும் சுனிதா வில்லியம்ஸ் பூமிக்கு திரும்புவதில் குறித்த நேரத்தில் இருந்து மேலும் தாமதமாகும் என நாசா அதிர்ச்சி தரும் தகவலை வெளியிட்டுள்ளது....
