T.R.Balu vs L.Murugan-மக்களவையில் மத்திய இணை அமைச்சர் எல்.முருகனை, அமைச்சராக இருக்க தகுதியற்றவர் என்று திமுக நாடாளுமன்ற குழு தலைவர் டி.ஆர்.பாலு கூறியது சர்ச்சையை ஏற்படுத்தி உள்ளது.
டெல்லியில் கடந்த 31-ஆம் தேதி நாடாளுமன்ற பட்ஜெட் கூட்டத்தொடா் குடியரசுத் தலைவா் திரௌபதி முா்மு உரையுடன் தொடங்கியது.
இதனையடுத்து பிப். 1-ஆம் தேதி நிதியமைச்சா் நிா்மலா சீதாராமன் இடைக்கால நிதிநிலை அறிக்கையை தாக்கல் செய்தாா்.
இந்த நிலையில், மாநிலங்களவையில் நேற்று பிற்பகல் குடியரசுத் தலைவா் உரைக்கு நன்றி தெரிவிக்கும் தீா்மானத்துக்குப் பதிலளித்து பிரதமா் மோடி உரையாற்றினார்.
இதனையடுத்து மக்களவையில் இன்று கேள்வி நேரம் நடைபெற்றது.
அப்போது பேசிய அவர், தமிழ்நாட்டிற்கு போதிய அளவில் மத்திய அரசு நிதி வழங்குவதில்லை என திமுக எம்பி டிஆர் பாலு பேசினார்.
கடந்த டிசம்பர் மாதம் பெய்த கனமழையால் தமிழ்நாடு மிகவும் கடுமையாக பாதிக்கப்பட்டது.
ஆனால் இதுவரை மத்திய அரசு போதுமான வெள்ள நிவாரண நிதியை வழங்கவில்லை என தெரிவித்தார்.
இதனால் மக்களவையில் திமுகவினருக்கும் பாஜகவினருக்கும் இடையே அமளி ஏற்பட்டது.
அப்போது மத்திய இணை அமைச்சர் எல்.முருகன் குறுக்கிட்டு பேசி முயற்சி செய்தார். இதனால் கோபமடைந்த டி.ஆர். பாலு எல்.முருகனை இருக்கையில் அமரும்படி கூறினார்.
தொடர்ந்து பேசிய டி.ஆர். பாலு .”நீங்கள் அமைச்சர் பதவியில் இருப்பதற்கே தகுதியற்றவர் என ஆவேசமாக பேசினார்.
இதற்க்கு பாஜகவினர் இதற்கு கடும் எதிர்ப்பு தெரிவித்தனர்.இதனால் மக்களவையில் திமுகவினருக்கும் பாஜகவினருக்கும் இடையே அமளி ஏற்பட்டது.
அப்போது நாடாளுமன்ற விவகாரத்துறை அமைச்சர் பிரஹலாத் ஜோஷி, “அவரை எப்படி தகுதியற்றவர் என சொன்னீர்கள்? திமுக அரசுதான் தகுதியற்ற அரசு.
காங்கிரஸ் தகுதியற்ற கட்சி” என்றார். “நீங்கள் ஒரு தலித் அமைச்சரை தகுதியற்றவர் எனக் கூறி ஒட்டுமொத்த பட்டியல் சாதியினரையும் அவமதித்து விட்டீர்கள்” என கடுமையாக குற்றம்சாட்டினார்.
இதையும் படிங்க:https://x.com/ITamilTVNews/status/1755133250509672581?s=20
மக்களவையில் கடும் அமளி ஏற்பட்டதையடுத்து திமுக உறுப்பினர்கள் அவையில் இருந்து வெளிநடப்பு செய்தது.
அதன் பிறகு நாடாளுமன்ற வளாகத்தில் மத்திய இணை அமைச்சர் எல்.முருகன் செய்தியாளர்களை சந்தித்தார்.
அப்போது பேசிய அவர் ,”ஒரு தலித் அமைச்சரை அமைச்சராக பார்ப்பதில் திமுகவுக்கு விருப்பமில்லை.
டிஆர் பாலு நாடாளுமன்றத்தில் உபயோகிக்ககூடாத வார்த்தையை உபயோகித்துவிட்டதாக எல்.முருகன் தெரிவித்தார்.
இதனையடுத்து டிஆர் பாலு செய்தியாளர்களை சந்தித்த போது , “தமிழ்நாட்டு நலனிற்கு எதிராக பேசியதாகவும்,தமிழ்நாட்டிற்காக நிவாரணம் கேட்டு பேசும்போதெல்லாம் அவர் குறுக்கிட்டார்.
அதனால் தான் அமைச்சராக இருக்க தகுதியில்லை என கூறினார். ஆனால் பாஜக தான் சொன்னதை வேண்டுமென்றே திசை திருப்பி அரசியல் செய்வதாக குற்றம்சாட்டினார்.
PUBLISHED BY : S.vidhya