”இன்ஸ்டாகிராம் மூலம் மலர்ந்த காதல்.. ”40 லட்ச ரூபாய் மோசடி செய்த நபர்..!! விசாரணையில் வெளிவந்த அதிர்ச்சி தகவல்

சென்னை கொடுங்கையூர் முத்தமிழ் நகர் 98வது தெருவைச் சேர்ந்தவர் சித்ரா வயது 27 இவர் மேற்கண்ட முகவரியில் வசித்து வருகிறார் தனியார் நிறுவனத்தில் வேலை செய்து வருகிறார் இவருக்குக் கடந்த ஆண்டு நவம்பர் மாதம் இன்ஸ்டாகிராம் மூலம் மகேஷ் குமார் 27 என்பவர் பழக்கமாகியுள்ளார்.

மகேஷ் குமார் பல வங்கிகளில் கடன் பெற்றுத் தருவதாகக் கூறி சித்ராவை நம்ப வைத்துள்ளார் இதனை நம்பி சித்ரா 3 லட்சம் ரூபாய் பணம் மற்றும் நான்கு சவரன் தங்க நகைகளைக் கொடுத்துள்ளார் நகைகளைக் கொடுத்து நீண்ட நாட்கள் ஆகியும் கடன் பெற்றுத் தராத காரணத்தினால் சித்ரா சந்தேகமடைந்து அவர் கொடுத்த பணம் மற்றும் நகைகளைக் கேட்டுள்ளார் மகேஷ் குமார் அதைத் தருவதாகக் கூறி காலம் தாழ்த்தி வந்துள்ளார்.

 இதனால் சித்ரா கொடுங்கையூர் குற்றப்பிரிவில் நேற்று முன்தினம் புகார் அளித்தார். புகாரின் பேரில் வழக்குப் பதிவு செய்த கொடுங்கையூர் குற்றப்பிரிவு போலீசார் சித்ரா கொடுத்த ஆவணங்களைச் சரிபார்த்து விசாரணை நடத்தினர்.

அதன் பேரில் கேளம்பாக்கம் பிரதானச்சாலை அரசுப் பள்ளி தெரு பகுதியைச் சேர்ந்த மகேஷ் குமார் 29 என்ற நபரை நேற்று கைது செய்தனர் அவரிடம் நடத்திய விசாரணையில் இன்ஸ்டாகிராம் மூலம் யார் யாரெல்லாம் கடன் குறித்த தகவல்களைத் தேடுகிறார்களோ அவர்களைப் பிடித்துத் தான் பல வங்கிகளில் வேலை செய்து வருவதாகக் கூறி நம்ப வைத்துப் பல பேரிடம் பணத்தை வாங்கியுள்ளது.

இந்த நிலையில் போலீசார் விசாரணையில் தெரியவந்தது சித்ராவைப் போலவே ப்ரீத்தி என்பவரிடம் ஐந்து சவரம் நகை மற்றும் 25 ஆயிரம் ரூபாய் பணம் உள்ளிட்டவற்றை வாங்கியுள்ளார்.

இதேபோன்று தனக்குத் தெரிந்த பல பேரிடம் 40 லட்சம் ரூபாய் வரை மகேஷ் குமார் மோசடி செய்து பணம் மற்றும் நகைகளை வாங்கி உள்ளது போலீசார் விசாரணையில் தெரியவந்துள்ளது.

மேலும்  மோசடி செய்த பணத்தில் மலடி லெவல் மார்க்கெட்டிங் எனப்படும் பணத்தை இரட்டிப்பாக்கம் தொழிலில் முதலீடு செய்து நஷ்டம் அடைந்ததும் மேலும் சில லட்சங்களைத் தங்கத்தில் முதலீடு செய்து மகேஷ் குமார் நஷ்டம் அடைந்ததும் போலீசார் விசாரணையில் தெரிய வந்தது.

பல பேரிடம் மோசடி செய்த மகேஷ் குமார் மீது வழக்குப் பதிவு செய்த கொடுங்கையூர் குற்றப்பிரிவு போலீசார் அவரை நீதிமன்றத்தில் ஆஜர்ப்படுத்தி சிறையில் அடைத்தார்.