நெல்சன் மண்டேலாவின் பேத்தி ஜோலேசா மண்டேலா புற்று நோயால் காலமானார்.
நெல்சன் மண்டேலா நிற வெறிக்கு எதிராக போராடிய தலைவர்களில் முக்கியமானவரும், தென் ஆப்பிரிக்கா நாட்டில் ஜனநாயக முறைப்படி முதல் அதிபராக தேர்ந்தெடுக்கப்பட்டவரும் ஆவார்.
இவரது பேத்தி ஜோலேகா மண்டேலா. அவருக்கு வயது 43. இந்நிலையில், ஜோலேகா மண்டேலா புற்று நோயால் பாதிக்கப்பட்டார். இதனால் அவருக்கு கல்லீரல், நுரையீரல், முதுகுதண்டு போன்ற உறுப்புகள் பாதிக்கப்பட்டது.
இதையடுத்து ஜோலேகா மண்டேலா மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்த நிலையில், ஜோலேகா சிகிச்சை பலன் அளிக்காமல் நேற்று காலமானார். இதனை நெல்சன் மண்டேலா அறக்கட்டளை தெரிவித்து உள்ளது.
நெல்சன் மண்டேலாவின் பேத்தி ஜோலேசா மண்டேலவின் மறைவை அறிவித்த நெல்சன் மண்டேலா அறக்கட்டளை அவரது குடும்பத்தினருக்கு இரங்கலும் தெரிவித்துள்ளது.
புற்று நோயால் பாதிக்கப்பட்டு உயிர் இழந்த ஜோலேசா மண்டேலா ஒரு சிறந்த எழுத்தாளராக திகழ்ந்தார் என்பது குறிப்பிடத்தக்கது.
ஜோலேசா மண்டேலா தன் வாழ்நாள் முழுவதும் சுகாதாரம் மற்றும் நீதிக்காக உழைத்தவரும் கூட.
