மத்திய அரசின் ரூ.2 ஆயிரம் நோட்டு தடை குறித்து புதுச்சேரி ஆளுநர் தமிழிசை விளக்கம் அளித்துள்ளார்.
புதுச்சேரியில் உள்ள இதயா கலை மற்றும் அறிவியல் கல்லூரியில் 19வது கல்லூரி தின விழாவில் ஆளுநர் தமிழிசை பங்கேற்றார்.அக்கல்லூரியில் படிக்கும் மாணவிகளுக்கு சான்றிதல்களை வழங்கி மாணவிகளுக்கு பாராட்டுகளை தெரிவித்தார்.
இந்த நிகழ்ச்சியில் முதல்வர் திரு.என்.ரங்கசாமி, மாண்புமிகு சபாநாயகர் திரு.எம்பலம் ஆர்.செல்வம், வணக்கத்தலைவர் எல்.ஜெயா மேரி, உயர்மட்ட ஜெனரல், எஃப்ஐஎச்எம், ஆகியோருடன் பங்கேற்றனர்.
பின்னர் செய்தியாளர்களை சந்தித்த அவர், பள்ளி மாணவர்கள் தேர்வில் தோல்வியுற்று தற்கொலைக்கு ஈடுபடுவது குறித்த செய்தியாளர் கேள்விக்கு, பள்ளி மற்றும் கல்லூரி தேர்வில் தோல்வியுற்ற மாணவர்கள் தற்கொலை செய்து கொள்ளக்கூடாது.
தேர்வு என்பது வாழ்க்கையில் ஒரு பகுதிதான். வாழ்க்கை இன்னும் நிறைய இருக்கிறது. தேர்வு எழுதாதவர் பல பேர் வாழ்க்கையில் முன்னுக்கு வந்துள்ளனர். மாணவர்கள் எந்த ஒரு தவறான முடிவு எடுக்க வேண்டாம். தேர்வுக்கு செல்லும் மாணவர்களுக்கு கவுன்சிலிங் வைக்க வேண்டும்,
தன்னம்பிக்கை வைக்க மாரல் கிளாசஸ் நடத்த வேண்டும், தற்காப்பு கலைக்கான வகுப்புகள் வைக்க வேண்டும். இது குறித்து முதலமைச்சர், கல்வி அமைச்சர் ஆகியோருடன் கலந்து ஆலோசனை செய்து நடவடிக்கை எடுக்கப்படும்.
இதனையடுத்து மத்திய அரசின் ரூ.2 ஆயிரம் நோட்டு தடை குறித்து கேள்வி, இந்த தடை பற்றி எனக்கு கவலை இல்லை. நான் போட்டு இருக்கும் கோட்டும் ஒயிட், நோட்டும் ஒயிட். ரூ.2 ஆயிரம் நோட்டு தடை பற்றி இன்னும் எனக்கு விவான தகவல் கிடைக்கவில்லை.முழுமையான விபரங்கள் அறிந்தவுடன் பதிலளிக்கிறேன் என தெரிவித்ததார்.