உலக கோப்பை கிரிக்கெட் தொடரில் இன்று நடைபெறும் லீக் போட்டியில் இங்கிலாந்து – இலங்கை அணிகள் பலப்பரீட்சை நடத்த உள்ளது .
இம்முறை இந்தியாவில் கோலாகலமாக நடைபெற்று வரும் 13-ஆவது உலகக் கோப்பை கிரிக்கெட் தொடர் கிரிக்கெட் ரசிகர்களுக்கு செம ட்ரீட்டாக அமைந்துள்ளது .
விறுவிறுப்பாக நடைபெற்று வரும் இந்த தொடரில் இன்று நடைபெறும் 25 வது லீக் போட்டியில் இங்கிலாந்து – இலங்கை அணிகள் ஒன்றுக்கொன்று மல்லுக்கட்ட உள்ளது . பெங்களூருவில் உள்ள உலக புகழ் பெற்ற சின்னசாமி கிரிக்கெட் மைதானத்தில் இன்று பிற்பகல் 2 மணிக்கு இப்போட்டி நடைபெறவுள்ளது.
உலகக்கோப்பையில் இந்த இரு அணிகளும் இதுவரை 11 ஆட்டங்களில் மோதியுள்ளன. இதில் 6ல் இங்கிலாந்தும், 5ல் இலங்கையும் வெற்றி பெற்றுள்ளன. இருப்பினும் 1999-ம் ஆண்டுக்கு பிறகு உலகக் கோப்பையில் இங்கிலாந்திடம் இலங்கை அணி தோற்றதில்லை. அதையடுத்து சந்தித்த 4 முறையும் இலங்கை அணியே வெற்றி பெற்றுள்ளது .
நடப்பு உலகக்கோப்பை தொடரில் ஒரு வெற்றி, 3 தோல்வி என 2 புள்ளியுடன் உள்ள இந்த இரு அணிகளும் எஞ்சிய ஆட்டங்கள் அனைத்திலும் வென்றால் மட்டுமே அரை இறுதி குறித்து நினைத்து பார்க்க முடியும் என்பதால் இன்றைய ஆட்டத்தில் விறுவிறுப்புக்கும் பரபரப்புக்கும் பஞ்சமிருக்காது.
இந்நிலையில் இன்று நடைபெறும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்க போகிறது என்பதை நாம் காத்திருந்து பார்க்கலாம்.
