தமிழ்நாட்டின் தலைநகரான சென்னைக்கு இன்று 384 ஆவது பிறந்தநாள். கி.பி. 1639 இல் ஆங்கிலேயர்களின் கிழக்கு இந்திய கம்பெனி தங்களது வியாபார சூழ்ச்சியால், தாமல் வெங்கடப்பா நாயக்கரிடம் இருந்து ஒரு சிறு நிலத்தை வாங்கி சென்னை நகரத்தை உருவாக்க காரணமாக இருந்த இந்த ஆகஸ்ட் 22 ஆம் சென்னை தினமாக கொண்டாடப்படுகிறது . இதுமட்டுமின்றி இன்றைய நாள் சென்னை தினமாக கொண்டாட பல வரலாற்று கதைகளும் உண்டு.
இந்நிலையில் சென்னையின் 384-வது பிறந்தநாளை முன்னிட்டு அரசியல் தலைவர்கள் பலரும் வாழ்த்துக்களை பதிவு செய்து வரும் நிலையில் தமிழ்நாடு முதலமைச்சர் மு.க.ஸ்டாலின் அவர்களும் அவரது வாழ்த்துக்களை பதிவு செய்துள்ளார் .
![](https://i0.wp.com/itamiltv.com/wp-content/uploads/2023/08/image-725.png?resize=615%2C350&ssl=1)
இதுகுறித்து முதலமைச்சர் மு.க.ஸ்டாலின் வெளியிட்டுள்ள செய்துகுறிப்பில் கூறிருப்பதாவது :
“பேரறிஞர் அண்ணா தமிழ் நிலத்துக்கு, தமிழ்நாடெனப் பெயர் சூட்டினார். தமிழினத் தலைவர் கலைஞர் தமிழ்நாட்டின் தலைநகருக்குச் சென்னை எனப் பெயர் மாற்றினார்!
கோடிக்கணக்கான மக்களின் வாழ்வியலோடு பிணைந்துவிட்ட சொல் என்பதா ஊர் என்பதா – உயிர் என்பதா சென்னையை? சென்னை – ஒட்டுமொத்த இந்தியாவைப் பிரதிபலிக்கும் நிலைக்கண்ணாடி. பன்முகத்தன்மையின் சமத்துவச் சங்கமம்! வாழிய வள்ளலார் சொன்ன ‘தருமமிகு சென்னை’..! என முதலமைச்சர் மு.க.ஸ்டாலின் வெளியிட்டுள்ள செய்துகுறிப்பில் தெரிவிக்கப்பட்டுள்ளது