டெல்லியில் பாஜக தலைமையிலான தேசிய ஜனநாயக கூட்டணியைச் சேர்ந்த எம்.பிக்களின் ஆலோசனைக் கூட்டம் இன்று நடைபெற்றது.
இந்த கூட்டத்தில் தேசிய ஜனநாயகக் கூட்டணியின் மக்களவைத் தலைவராக நரேந்திர மோடியை ராஜ்நாத் சிங் அமித் ஷா உள்ளிட்ட தலைவர்கள் முன்மொழிந்தனர். இதனையடுத்து ஒருமனதாக தேர்வு செய்யப்பட்டார்.
அதனடிப்படையில், பாஜக கூட்டணியின் பிரதமராக மோடி தேர்வு செய்யப்பட்டதாக ஜே.பி. நட்டா அறிவித்தார். இதனை தொடர்ந்து அனைத்து தலைவர்களும் மோடிக்கு மாலை அணிவித்து வாழ்த்து தெரிவித்தனர்.
அதனை தொடர்ந்து பேசிய பிரதமர் மோடி, “இந்த சட்டசபை மண்டபத்தில் உள்ள அனைத்து அரசியல் கட்சி தலைவர்களுக்கும், புதிதாக தேர்ந்தெடுக்கப்பட்ட அனைத்து எம்.பி.க்களுக்கும், நமது ராஜ்யசபா எம்.பி.க்களுக்கும் எனது மனமார்ந்த நன்றியை தெரிவித்துக் கொள்கிறேன்.
இன்று இங்கு இவ்வளவு பெரிய குழுவை வரவேற்கும் வாய்ப்பு கிடைத்திருப்பது எனக்கு மகிழ்ச்சியாக உள்ளது. வெற்றி பெற்ற தலைவர்கள் அனைவரும் பாராட்டுக்குரியவர்கள். இரவும் பகலும் உழைத்த லட்சக்கணக்கான தொழிலாளர்களை, இன்று இந்த மைய மண்டபத்தில் இருந்து தலைவணங்கி வணங்குகிறேன்.
இதையும் படிங்க: அடுத்த தேர்தலிலும் எதிர்க்கட்சிகளுக்கு தோல்விதான் – நிதிஷ் குமார்!
இந்தியாவின் மாபெரும் ஜனநாயகத்தின் வலிமையைப் பார்க்கிறீர்கள் – இன்று 22 மாநிலங்களில் தேசிய ஜனநாயகக் கூட்டணிக்கு ஆட்சி அமைக்க மக்கள் வாய்ப்பளித்துள்ளனர்.
என்னை தேசிய ஜனநாயக கூட்டணியின் தலைவராக அனைவரும் ஒருமனதாக தேர்வு செய்ததில் நான் மிகவும் மகிழ்ச்சியாக உணர்கிறேன். நீங்கள் அனைவரும் எனக்கு ஒரு புதிய பொறுப்பை வழங்கியுள்ளீர்கள், நான் உங்களுக்கு மிகவும் நன்றியுள்ளவனாக இருப்பேன்.
தொடர்ந்து பேசிய அவர்,” காங்கிரசை விட அதிகமான இடங்களை மூன்றாவது முறையாக பாஜக பெற்றுள்ளது; ஜெயித்தாலும், தோற்றாலும் பாஜக ஒரே மாதிரிதான் நடந்துகொள்ளும்; முற்றிலும் ஒருங்கிணைந்த கூட்டாட்சி என்பதே எங்கள் குறிக்கோள்; இந்தியா கூட்டணி இப்போதும் பிளவுபட்ட வீடாகவே உள்ளது.
மேலும் மின்னணு வாக்குப்பதிவு இயந்திரங்களை குறைகூறிய எதிர்க்கட்சிகள் இப்போது எங்கே?; -மின்னணு வாக்குப்பதிவு இயந்திரங்கள் குறித்து இப்போது ஒருவரும் வாய் திறக்கவில்லை; ஜனநாயகத்தின் மாண்பைக் குறைக்கவே ஈவிஎம் பிரச்னையை எதிர்க்கட்சிகள் எழுப்பின என்று குற்றம்சாட்டினார்.
