வருகிற டிசம்பர் 1-ம் தேதி வெளியாக உள்ள ‘அன்னபூரணி’ திரைப்படத்தின் முதல் பாடல் வெளியாகி சமூக வலைத்தளங்களில் வைரலாகி வருகிறது.
திரையுலகில் முன்னணி நடிகையாக வலம் வரும் நடிகை நயன்தாரா தற்போது, இயக்குனர் நிலேஷ் கிருஷ்ணா இயக்கத்தில் ‘அன்னபூரணி’ என்கிற படத்தில் நடித்துள்ளார். நடிகர் ஜெய் கதாநாயகனாக நடித்துள்ள இந்த படம் தமிழ், தெலுங்கு, கன்னடம், மலையாளம் ஆகிய தென்னிந்திய மொழிகளில் வெளியாக உள்ளது.
மேலும்,சத்யராஜ், ரெடின் கிங்ஸ்லி, சுரேஷ் சக்ரவர்த்தி, கே.எஸ்.ரவிகுமார், ரேணுகா, பூர்ணிமா ரவி ஆகியோர் முக்கிய கதாபாத்திரத்தில் நடித்துள்ளனர். ஜீ ஸ்டூடியோஸ், நாட் ஸ்டூடியோஸ், டிரைடன்ட் ஆர்ட்ஸ் இணைந்து தயாரிக்கும் இந்த படத்துக்கு தமன் இசையமைத்துள்ளார்.
இந்த நிலையில், இன்று தனது பிறந்தநாளை கொண்டாடி வரும் நடிகை நயன்தாராவுக்கு வாழ்த்து தெரிவித்துள்ள ‘அன்னபூரணி’ படக்குழு புதிய அப்டேட் ஒன்றை வெளியிட்டிருந்தது. அதன்படி அன்னபூரணி’ படத்தின் முதல் பாடல் இன்று மாலை 6 மணிக்கு வெளியாகும் என்று அறிவித்திருந்தது.
அதன்படி, தற்போது அன்னபூரணி படத்தின் முதல் பாடல் வெளியாகி சமூக வலைத்தளங்களில் வைரலாகி வருகிறது.
