டுவிட்டரில் (twitter) அதிகாரப்பூர்வ கணக்கு என்பதை உறுதிபடுத்தும் புளூ டிக்கிற்காக (blue tick) பயனாளர்களிடம் மாதம்தோறும் ரூ.1600 வரை கட்டணம் வசூலிக்க டுவிட்டர் நிர்வாகம் முடிவு செய்துள்ளதாக தகவல் வெளியாகியுள்ளது.
பேஸ்புக், ட்விட்டர் போன்ற சமூக வலைதளங்களில் போலியாக ஒருவர் பெயரில் கணக்குத் துவங்கி, தவறான தகவல்களையும், அவதூறுகளையும் பரப்பும் வாய்ப்பு அதிகம் உள்ளது.
குறிப்பாக பிரபலங்கள் பெயரில் போலியான கணக்குகள் மூலம் அவதூறுகள் பரப்பப்பட்டு வந்தது. இதனால், சமூக வலைதளங்கள் பிரபலங்களின் கணக்குக்கு அங்கீகாரம் அளிக்கும் வகையில் அவர்களது பெயரில் புளூ டிக் குறியீடு அளித்தது.
இதனால், பதிவேற்றம் செய்யவது உண்மையான நபரா இல்லையா என்பதை அறிந்துகொள்ள முடிவதோடு தேவையில்லாத குழப்பங்கள் தவிர்க்கப்பட்டது.
எனவே, அதிகாரப்பூர்வ டுவிட்டர் கணக்கு என்பதை உறுதிபடுத்திக்கொள்ள, டுவிட்டர் பெயருக்கு அருகில் நீலநிற குறியீடு குறிக்கப்பட்டிருக்கும்.
தற்போது, சான்பிரான்சிஸ்கோ, டுவிட்டர் (twitter) நிறுவனம் எலான் மஸ்க்கின் வசம் வந்த நிலையில், போலியான கணக்குகளை நீக்க அதிரடியான மாற்றங்களை கொண்டுவர உள்ளதாக தகவல் வெளியாகியது.
அதன்படி, டுவிட்டரின் கணக்குகளை சரிபார்க்கும் செயல்முறை புதுப்பிக்கப்படும் என்று எலான் மஸ்க் தெரிவித்திருந்தார். மேலும், டுவிட்டரில் தற்போது, அரசியல் தலைவர்கள் மற்றும் பிரபலங்கள் தங்களின் அதிகாரப்பூர்வ டுவிட்டர் கணக்குகளில் புளூ டிக் (blue tick) பயன்படுத்துகின்றனர்.
இந்த டுவிட்டர் (twitter) கணக்கு அவர்களுடைய அதிகாரப்பூர்வ டுவிட்டர் கணக்கு தான் என்பதை உறுதிபடுத்திக்கொள்ள, டுவிட்டர் தளத்தில் அவர்களது பெயருக்கு அருகில் நீலநிற புளூ டிக் குறியீடு குறிக்கப்பட்டிருக்கும்.
டுவிட்டர் புளூ டிக்கிற்காக பயனர்கள் 4.99 அமெரிக்க டாலர்கள்(ரூ.410 வரை) செலுத்த வேண்டியிருந்தது. இதன்மூலம், பயனர்கள் டுவிட்டரில் பல்வேறு அம்சங்களை பயன்படுத்திக்கொள்ளலாம்.
மேலும், தற்போது தாங்கள் பதிவிட்ட பதிவுகளை எடிட் செய்யும் வசதியும் அறிமுகப்படுத்தப்பட்டது.
இந்நிலையில், பயனர்கள் அதிகாரப்பூர்வ கணக்கு என்பதை உறுதிபடுத்தும் புளூ டிக்கிற்காக பயனாளர்களிடம் மாதம்தோறும் ரூ.1600 வரை(19.99 அமெரிக்க டாலர்கள்) கட்டணம் வசூலிக்க டுவிட்டர் நிர்வாகம் முடிவு செய்துள்ளதாக தகவல் வெளியாகியுள்ளது.
மேலும், இது தொடர்பான அறிவிப்பு விரைவில் வெளியாகும் என எதிர்பார்க்கப்படுகிறது .
இந்த அறிவிப்பு வெளியான 90 நாட்களுக்குள் கட்டணம் செலுத்தவில்லையென்றால், பயனாளர்களின் பெயருக்கு அருகில் உள்ள நீலநிற டிக் குறியீட்டை பறிக்கும் வகையில் மாற்றம் கொண்டுவரப்பட உள்ளது எனவும் தகவல் வெளியாகியுள்ளது.