நடிகர் ரஜினிகாந்தின் மூத்த மகளான ஐஸ்வர்யா ரஜினிகாந்த் தற்போது லால் சலாம் என்ற திரைப்படத்தை இயக்கவுள்ளார். இந்த திரைப்படத்தில் விஷ்ணு விஷால் மற்றும் விக்ராந்த் இருவரும் இணைந்து நடிக்க இருக்கின்றனர்.
ஐஸ்வர்யா ரஜினிகாந்த் இதற்கு முன் 3, வை ராஜா வை, போன்ற படங்களை இயக்கியுள்ளர் மேலும் பல டாக்குமென்ட்ரி மற்றும் ஆல்பங்களையும் இவருடைய இயக்கத்தில் வெளியிட்டுள்ளார்.
மீண்டும் தற்போது ஐஸ்வர்யா ரஜினிகாந்த் இயக்கத்தில் இறங்கியுள்ளார் லைக்கா ப்ரொடக்ஷன் நிறுவனத்தின் சார்பில் சுபாஷ்கரன் தயாரிப்பில் லால் சலாம் என பெயரிடப்பட்டுள்ள இந்த திரைப்படம் உருவாகயுள்ளது. இந்த திரைப்படத்தில் சூப்பர் ஸ்டார் ரஜினிகாந்த் சிறப்பு தோற்றத்தில் நடிக்கிறார் என்ற தகவலும் தற்போது வெளியாகி உள்ளது.
இசையமைப்பாளர் ஏ.ஆர்.ரகுமான் இசையமைக்கிறார்.மேலும் லால் சலாம் திரைப்படம் 2023 வெளியாகும் என்று பட குழுவினர் அறிவித்துள்ளனர்.ஐஸ்வர்யா ரஜினிகாந்த் தனது கணவர் தனுஷிடமிருந்து பிரிந்து வாழ்வதாக சில நாட்களுக்கு முன் அறிவித்த நிலையில் தற்போது இயக்கத்தில் களமிறங்கியுள்ளார்.இதேபோன்று நடிகர் தனுஷும் அடுத்தடுத்து பல திரைப்படங்களில் நடித்து வருகிறார்.
