தளபதி விஜய் மற்றும் லோகேஷ் ஆகியோரின் காம்போவில் திரையரங்குகளில் வெளியான லியோ படம் இம்மாதம் வெளியாக உள்ளதாக படக்குழு அதிகாரபூர்வ அறிவிப்பை வெளியிட்டுள்ளது.
செவன் ஸ்கிரீன் ஸ்டூடியோஸ் பிரம்மாண்ட பொருட் செலவில் தயாரிக்கப்பட்ட இப்படம் கடந்த மாதம் 19 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியாகி வசூல் வேட்டை நடத்தியது.
வசூல் ரீதியாகவும் விமர்சன ரீதியாகவும் அமோக வரவேற்பை பெற்ற இப்படத்தில் தளபதி விஜய்யுடன் சேர்ந்து திரிஷா, அர்ஜுன், சஞ்சய் தத், பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், டான்ஸ் மாஸ்டர் சாண்டி, மேத்யூ தாமஸ் உள்ளிட்ட பல முன்னணி நட்சத்திரங்கள் முக்கிய கதாபாத்திரத்தில் நடித்துள்ளனர்.
உலகம் முழுவதும் உள்ள திரையரங்குகளில் வசூல் வீட்டை நடத்திய இப்படம் நெட்ஃபிளிக்ஸில் OTT தளத்தில் வெளியாக உள்ளதாக ஏற்கனவே அறிவிக்கப்பட்ட நிலையில் தற்போது இப்படத்தின் OTT ரிலீஸ் தேதியை படக்குழு அறிவித்துள்ளது.
லோகேஷ் கனகராஜ் இயக்கத்தில், நடிகர் விஜய் நடிப்பில் இரண்டாவது முறையாக மாபெரும் வசூல் சாதனை படைத்த ‘லியோ’ திரைப்படம் தமிழ், தெலுங்கு, இந்தி உள்ளிட்ட 5 மொழிகளில் வரும் நவம்பர் 24ம் தேதி Netflix OTT தளத்தில் வெளியாக உள்ளதாக படக்குழு தெரிவித்துள்ளது.
